1A! mi non fai chantar folia ni florsNi chanz d'auzel ni rossignols en mai;Mas la meiller de totas las meillorsE la genzer de la[s] genzors, qu'eu sai,5Me fai chantar lo pres qe de leis n'ai;Per q'eu deg ben per sos precs chanzon faire,E farai la, pois li ven a plazer,Q'eu non deg far mas tot lo seu voler,Tant es valenz e bell' e debonaire.II10Aissi con cel qi chamia maint segniors,Tro q'un troba, qi grant honor li fai,Sui eu, qi mais non voil chantar aillors:Bona domna, ab vos me remanraiE vos, domna, retenetz mi, seus plai,15Q'en vostra cort ben estai unz trobaireQi fassa lonc vostre pretz far saber,E s'a vos platz qem degnes retener,Eu farai lonc vostra valor retraire.III[Mas vostre pretz e vostra granz valors 20Mi fan dir seus enquar non [o] farai,Per q'eu volgra vos mi partis amors]Car voles tan lo grant dezir q'eu n'aiE pois sabetz con als amic[s] estai,E vos fessetz un petit de maltraire25Amors qem fai per vos soven doler,C'autra mas vos e mi non a poderQe iam posca la dolor del cor traire. IVBona dona, un petit de socorsM'agra mestier del vostre fin cors gai 30E pois tan es vostra unrada valorsAleujasses un pauc de[l] mal q'eu trai;Suffretz qeus am q'enaissi chantaraiBen e plazent, a lei de fin amaire,Car chant ses ioi nom pot gaire valer,35Ni fiz amics non pot gaire valer,Se per amor non es gais e chantaire. VCar vos conqier, conois q'es granz folorsQ' a mi non taing q'eu intr'en tan ric plai;Pero tan m'es vostre preiars honors40Qe ia de vos amar nom recreirai.Per merceus prec q'autre conort non ai,Qe dreg nien es mals e con triaireC'ab vos mi deia merces pron tener[ . . . . . . . . . . . . . . . . . . . . . . . .