Павлодарлық полицейлер 1 сәуірден бастап ауаны ластаған 6 автобус жүргізушіні жауапкершілікке тартты.17 сәуірде Павлодарда табиғатты қорғау полицейлері мен экологтар рейдтік іс-шара өткізді, олар пайдаланылған газдың шығуымен атмосфераны ластау дәрежесін өлшеу үшін автобустарды, маршруттық такси, жүк көлігі және шағын автобустарды тоқтатты. - Полицейлер мен Экология департаментінің инспекторлары арнайы аспап - түтін өлшеуіштің көмегімен газ шығаратын түтік арқылы автокөліктердің қаншалықты қаланың ауасын ластайтындарын анықтады,- деп түсіндірді полиция майоры Даурен Нұржанов. Егер пайдаланылған заттың деңгейі тиісті нормадан асса, полиция қызметкерлері ҚР ӘҚБК 334-бабы - шығарындыларда ластаушы заттардың болуы нормативтерден асып кететін автомотокөлiктерді және басқа да жылжымалы құралдарды пайдалануға сәйкес әкімшілік хаттама толтырады, 2 АЕК көлемінде айыппұл қарастырылған, қайталаған жағдайда - 5 АЕК. - Дизель отынымен жүретін қытай маршрутымен және шағын автобусының жүргізушілері басты бұзушы болып табылды. Мәселен, бүгін «Хундай» шағын автобусының иесіне хаттама толтырылды, яғни оның пайдаланылған зат нормадан алты есеге асты, - деп атап кетті полиция.