1.АуруханаДәрігер: Мына ханым кешегі Минада орын алған оқиғада жараланды, ал күйеуі жоғалып кетті. Сұрақ: Қазір жағдайыңыз қалай? Жауап: Бүгін тәуір болдым. Кеше «Рами джамарат» жолында кетіп бара жатқанда кенеттен есіктер жабылып қалып, адамдардың қалың нөпірі есікке қарай ұмтылғандай болды. Халық джамаратқа тезірек жету үшін лап қойды. Жол тарыла түсті. Қажылардың қалың тобы бір-бірін итере бастады. Осындай жағдайда күйеуіміз екеуіміз бір-бірімізден көз жазып қалдық.Осы қалың топтың арасында жаман күйге түсіп, ешнәрсе көре алмай тұрғанымды сезіндім. Адамдар бір-бірінің үстіне құлап жатты. Арабстандық күштер мүлдем көмектеспеді. Осы 4-5 сағат ішінде бізге көмектескен жан болған жоқ. Тек үстімізге су төкті. Шын мәнінде бізге су емес, көмек керек еді. Сұрақ: Сіз 5 сағат бойы жерде жаттыңыз ба?Жауап: Біз қанша көмек сұрасақ та, ешкім көмектеспеді. Сол адамдардың барлығы көз алдымда жан тәсілім етті. Сұрақ: Ол жерде таныс ирандықтар болды ма? Қазір жағдайлары қалай?Жауап: Ирандықтар болды. Бірақ олар жайлы хабарым жоқ.Сұрақ: Сізді қайда жеткізді? Достарыңыздың көмегімен медициналық орталықтарға ма, әлде саудиялық ауруханаларға ма? Жауап: Алдымен саудиялық ауруханаға жеткізілдім. Ол жерде маған көмектесе алмады. Сұрақ: Сізге қызмет көрсетілді ме?Жауап: Мен мүлдем жүре алмай қалдым. Маған жүру керек екендігін айттым. Содан кейін Иранның Қызыл Жарты Ай қоғамынан адамдар келіп, мені алып кетті. Саудиялық ауруханаларға жеткізілген отандастар да болды. Сұрақ: Ол жерде отандастарымыздан қанша адам болды? Жауап: Ол жерде болған адамдардың арасынан сол жерде болған 1-2 сағаттың ішінде тек 4-5 ирандық азаматты көрдім.2.Мен Минадағы оқиғада аман қалған топтың дәрігері доктор Хосейн Хақиқимын. Сағат 7-ден бері осында болдым. Осы мәселені тексеріп, себептерін іздеген адамдарға шындықты жеткізуді өзімнің адамгершілік міндетім деп санаймын. Мен дәрігер ретінде 200 метр жерден көліктердің үстінде тұрған қызметкерлерді көрдім. Олар 200 мың адам жүріп келе жатқан күре жолды жауып тастаған еді. Өкінішке орай, жүріп келе жатқан жолда адамдардың басқа шарасы болмай, бір-бірін итеріп, бір-бірінің үстіне құлап, 4-5 қабат болып үйіліп қалды. Оларды құтқаратын жан болған жоқ. Оқиға орын алғаннан кейін құтқарушылар жеткенге дейін 4-5 сағат уақыт өтті. Алайда оқиға кезінде 30 шақты тікұшақ үстімізден ұшып өтті. Бірақ ешқандай шара қолданбады. Барлық қызметкерлердің қолдарында рациялары болды. Олар оқиғаны басынан аяғына дейін көрді. Қызметкерлердің ешқайсысы көліктерінен түсіп, бір-бірінің үстіне құлап жатқан зияратшыларға жәрдемдескен жоқ. Осы үш сағат бойы тек тамашалаумен болды. 150 ирандық пен басқа ұлттардың адамдары бір-бірінің үстіне құлап жатты. Егер қызметкерлерлер көліктерінен түсіп, жолды ашса мүмкін 100-ден азырақ адам жарақаттанар еді. Бірақ үш сағат бойы тек қарап тұрып, есіктерді ашуға бұйрық берген жоқ. Біздің ешқайсымыз тіпті бір метрге ілгері, не кері жүруге шамамыз болған жоқ. Менің өзіме де дәрігер ретінде нұқсан келді. Себебі өз көзіммен мыңдаған адамның өлімін көрдім. Көз алдымда адамдар шөлден жан тәсілім етіп жатты. Өз міндетімді білдім. Қолымнан келгенше адамдарға көмектестім. Бұл жайтты "оқиға" деп атаған оқиға себепкерлері шын мәнінде қылмыстың себепкерлері болды. Себебі оқиға жоспарсыз орын алады. Бірақ жолды жауап тастау жоспарланған іс болды. Көмектеспеу де жоспар бойынша жасалды. Барлық іс-әрекеттері алдын ала жоспарланған екен. Тіпті өлім аузындағы адамдардың жүректеріне массаж жасап жатқанымда оларға көмектесуді сұрғанымда да еш мән бермеді. Мен бір көкірегі ояу дәрігер ретінде адамның жанын маңызды санайтын барлық адамдардан бұл оқиғаны барлық қырынан азаматтары осы оқиғада шәһид болған елдерге жеткізуді сұраймын. Сол елдердің басшылары бұл оқиғаның кездейсоқтық па, әлде қасақана жасалған оқиға ма екенін білсін.