Таңғы асымызды ішіп, шамамен 8 жарымда рами джамаратқа қарай бет алдық. Күн ыстық еді. Достарымыз көп су алыңдар деді. Біз 4-5 бөтелке су алып, жүріп кеттік. Біраз жүргеннен кейін барлығымызды шөл қысты. Біз суларымызды адамдар мен қарттарға бердік. Қасымызда Нишапур керуені болды. Бір кезде алдымыздан кері қайтып келе жатқан адамдарды көрдік. Артымызда да адамдар келе жатты. Бір топ адам дуалдардан секіріп кетіп жатты. Тағы бір топ маңайдағы көшелерден қашып жатты. 20 минуттай адамдар бір орында тұрып айналып, одан кейін жерге құлай бастады. Бір шаршы метр жерге құладық. 4-5 адам бір-біріміздің үстімізге құладық. Күн күйдіріп бара жатты. Сыртқа шыққаннан кейін ғана 3-4 сағат жерде жатқанымызды түсіндік. Құтқаратын тікұшақтар үстімізге ұшып келген кезде адамдар су шашуды сұрады. Бірақ су шашылған жоқ.Диабеті бар және денсаулығы нашар адамдардың халдары нашарлап, шаһадат айтып, жан тапсырды. Әр адам өз тілінде су сұрап жатты. Африкалықтардың бірі салқындатқышқа жақындап, оның суын ыстық болса да үстімізге шашты. Бұл біздің тынысымызды ашып, аман қалуымызға көмектесті. Бір кезде сол жағымнан біреу мені танып, атымды атап шақырды. Бізге су алып келіпті. Құтқару тобы жеткенге дейін 2 сағат уақыт өтті. Мен аман қалып, құтқарылатынымызды айттым. Қасымдағы қарт адамның ауызы көпіршіп кетіпті. Құтқарушы оның кеудесіне қолын қойып, жанын сақтап қалды. Кейбір адамдарға реанимация керек болды. Мен достарымнан ояу болуларын сұрадым. Егер ұйықтап қалсақ бізді өлдіге санап, үстімізден аттап өтіп кетеді. Үстімізге су шаштық та арба алғанға дейін төсеніште жаттық. Өзімізді және адамдардың шалажансар денелерін жинадық. Адамдардың көбісі шөлден өлген екен. Мені таң қалдырған нәрсе қызметкерлердің адамдардың үстінде бәтеңкелермен жүргені болды. Бұлардың әлі жаны бар екенін айтып наразылық танытып едім, мән бермеді. Біздің артымыздан бір қоршау құлап көп адамның жанын қиып кетіпті. Африкалықтар жоғары шықпақ болғанда қоршау құлаған сияқты. Өздері өлсін дегендей есіктерді де ашпады.