Шахтинск қаласы мен іргелес кенттердің тұрғындары «ТАЗА ҚАЗАҚСТАН» акциясына белсенді қатысуда. Осы аптада ісшаралар «Киелі мекен» ұранымен өтуде.Экологиялық мәдениетті қалыптастыру, тұрғындар мен жастардың табиғатқа деген сүйіспеншілігін арттыру мақсатында Ұлы Отан соғысы жылдарында қаза тапқан батырларға арналған 4 ескерткіш обелиск, қаза тапқан жауынгерлерге арналған мемориал мен барельефті, жауынгер- интернационалистерге арналған барельеф, Абай Құнанбаев ескерткіші және Қазақстандағы 100 киелі орынның бірі саналатын Долинка кентіндегі Саяси қуғын-сүргін құрбандарын еске алу мұражайы кіретін 4 тарихи-мәдени ескерткішке абаттандыру жұмыстары жүргізілді. Әктеу, ескерткіштерді кешенді жуу, айналасындағы шөптерді шабу, қалдықтарды жинау жұмыстары жүргізіліп, тарихи-мәдени нысандарға іргелес аумақта тазалау жұмыстары ұйымдастырылып, 20 түп қарағай көшеттері отырғызылды.Шара барысында азаматтардың, белсенділер мен еріктілердің, жұртшылық пен барлық меншік нысанындағы еңбек ұжымдарының бірлескен күш-жігерімен оннан астам көше тазаланып, 6 мың тоннадан астам қатты және тұрмыстық қалдықтар шығарылды, 15 мың шаршы метр метр аумақ тазартылды. Қала мен кенттердің абаттандыру шараларына 5 мыңнан астам адам қатысты.Біз барлық белсенді тұрғындарды, шағын және орта бизнесті, барлық меншік нысанындағы топтарды аулаларда, алаңдарда және оған жақын аумақтарда тазалық жұмыстарын ұйымдастыруға шақырамыз. Бәріміз бір қалада тұрамыз! Біз оның таза және әдемі болғанын қалаймыз!