Еліміздің батыс аймағында бағалы балық қорын браконьерлерден қорғау мақсатында «Бекіре-2018» атты операция басталды.Екі айлық шараға аймақтағы барлық құқық қорғау органдарымен қатар жағалау күзеті мен шекарашылар да жұмылдырылады. Биылғы маусым кезінде Жайық және Қиғаш өзендері бойында 17 бекет жұмыс істейді. Құзырлы органдардың жеке құрамынан 300 адам және Каспий теңізі мен өзендердегі шекара аумағы 13 кемемен жіті қадағаланады. Сонымен қатар биылдан бастап балықтардың уылдырық шашатын өрісін кеңейту үшін теңізден өзенге өту жолдарын тереңдету қолға алынбақ. Өзендердің бітеліп қалған арнасы мен теңізге құяр тұсын тазалау мақсатында арнайы бағдарлама жасақталған, енді сол жоба кезеңімен жүзеге асырылады.