ДЕНСАУЛЫҚ САҚТАУ МИНИСТРІ МЕДИЦИНА ҚЫЗМЕТКЕРЛЕРІМЕН КЕЗДЕСТІ20:35, 4 сәуір 2019Үкімет делегациясы құрамында болған ҚР Денсаулық сақтау министрі Елжан Біртанов Қостанайдағы №4 емханасының ұжымымен кездесті. Министр Елбасы тапсырмасына сәйкес медицина мамандарын ынталандыру шараларына және кадр жетіспеушілігі мәселесіне тоқталды. Айта кетейік, цфрландырудың арқасында жұмысы ілгерілей түскен емдеу мекемесінде бүгінде барлық қызмет түрі электронды түрде көрсетіледі.Қостанай қалалық №4 емханасы. Алғашқылардың бірі болып цифрлық жүйеге көшкен емдеу мекемесі. Еліміздің бас дәрігеріне «Дамумед» мобильді қосымшасы жайында баяндалып, жаңадан енгізілген ақпараттық құралдың нәтижелері айтылды.Мекемеде жұмыс істейтін дәрігерлермен өткен басқосуда, министр әрбір сауалға жауап беріп, Елбасының Жолдауында міндетелген медицина саласына қатысты тапсырмалардың сапалы орындалуы керектігіне тоқталды.Бұдан соң, Елжан Біртанов Қостанай ауданына ат басын тіреді. Аудан тұрғындарымен жүздесіп, «әлеуметтік қамқорлық» жобасын тиянақты түсіндірді. Сапар барысында министр Қостанай аудандық орталық емханасына да барды. Мұнда министр жұмыспен танысуды тіркелу орнынан бастады.Содан соң, сырқат қаралатын кабинеттерге кіріп, дәрігерге жазылу кезегінің барысын тексерді. Емханада емделуге кезек күткендер жоқ екен. Емдеу мекемесінің порталын ашып көрген министр осыған толықтай көз жеткізді. Мұны ол облыста емделудің қолжетімді болғандығымен байланыстырды. Міне, осылайша облыстың бірқатар емдеу мекемелерінің бір күндік тыныс-тіршілігіне қаныққан министр, мұндағы медицинаның сапасына оң бағасын берді. Елжан Біртанов, сапарының соңында аудандағы ауруханалардың жоқ-жітігін түгендеуде тиісті көмегін аяп қалмайтындығын жеткізді. Гүлжан Ж