ЖОБА БАР... АЛ ЖҰРТТА ҚАЙДАН ОНДАЙ АҚША: ? 5 ӘЛЕУМЕТТІК БАСТАМА: ЕЛДІ-МЕКЕНДЕРДІ КӨГІЛДІР ОТЫНМЕН ҚАМТУ ЖАЛҒАСАДЫ \ деп отыр \4 наурыз 2019Қостанай облысында 2018-ші жылы 2 ірі елді-мекенге табиғи газ тартылды. Алайда газ құбыры жеткізілгенмен тұрғындардың бәрі бірдей оның игілігін көре алмай отыр. Себебі көше бойымен келіп тұрған көгілдір отынды әркім үйіне өз қаржысына крігузі тиіс. Ал оның құны өте қымбат.Любовь Кузменко Әулиекөл ауданындағы Аманқарағай аулының байырғы тұрғыны. Былтыр желтоқсан айында елді-мекенге газ құбыры тартылғанда алғашқылардың бірі болып қажетті қондырғыларды орнатты. Енді игілігін көріп отыр. Алайда бұл қуаныш зейнеткерге арзанға түскен жоқ. 536 мың теңге жұмсапты.Көшенің қарсы бетіндегі тағы бір зейнеткер Таисия Альт әлі көмір жағып күл шығарып жүр. Ол үшін іргедегі құбырдан көгілдір отынды үйге кіргізу арманға айналды.Аманқарағай ауылында 2 мыңнан астам түтін бар. Әзірге соның 42-сі ғана табиғи газды тұтынады. Тағы үш жүзге жуығы құжаттарын рәсімдеу үстінде. Ал басым көпшілігінің қолын бағаның қымбаттығы байлап тұр. Бұл мәселе облыс деңгейінде көтеріліп, қазір шенеуніктер жағдайды реттеуге тырысып жатыр. Жалпы Қостанай облысында соңғы 3 жылда 8 елді-мекенге табиғи газ тартылған. Бұл жұмыс 2015-ші жылғы газ таратушы кәсіпорын мен облыс әкімдігі арасындағы меморандум аясында жүзеге асып отыр. Соның арқасында аймақтағы табиғи газды тұтынуға мүмкіндігі бар тұрғындардың үлесі 62 пайызға жетті. Елді-мекендерді көгілдір отынмен қамту алдағы жылы да жалғасады. Дәуренбек Әбдібек