Акафист перед иконой Божьей Матери "В Родах Помощница"https://youtu.be/WoZHskceOTwhttp://www.reiki-iniciacii....26 декабря/8 январяправославная церковь чтитИкону Богородицы«Помощница в родах»МОЛИТВЫТропарь Пресвятей Богородицев честь иконы Ея «Помощница в родах»глас 4Мати Бога нашего, во утробе заченши Христа Жизнодавца, помощи в рождении Того не потребовала еси, темже легце разрешитися рабом Твоим благослови и помози, и младенцев их во время благопотребное родитися имущих, под покров Твой, яко Матерь, молим, приими: Ты бо еси в родах Помощница, Заступница рабом Твоим.Кондак Пресвятей Богородицев честь иконы Ея «Помощница в родах»глас 2Слез Евиных разрешение, пророческих писаний исполнение, от Духа Святаго Богомладенца заченшая, и во яслех Вифлеемских Того смиренно родившая, к Тебе прибегаем яко Хранительнице жен и младенцев, к Тебе воздыхаем и Тя величаем: радуйся, Благоутробная Мати, в родах Помощница.Молитва Пресвятей Богородицев честь иконы Ея «Помощница в родах»Приими, Госпоже Богородительнице, слезная моления рабов Твоих, к Тебе притекающих. Зрим Тя на святей иконе во чреве носящую Сына Твоего и Бога нашего, Господа Иисуса Христа. Аще и безболезненно родила еси Его, обаче матерния скорби веси и немощи сынов и дщерей человеческих зриши. Темже тепле припадающе к цельбоносному образу Твоему и умиленно сей лобызающе, молим Тя, Всемилостивая Владычице: нас, грешных, осужденных в болезнех родити и в печалех питати чада наша, милостивно пощади и сострадательно заступи, младенцы же наша, такожде и родившия их, от тяжкаго недуга и горькия скорби избави; даруй им здравие и благомощие, да и питаемии от силы в силу возрастати будут, и питающия их исполнятся радостию и утешением, яко да и ныне предстательством Твоим из уст младенец и ссущих Господь совершит хвалу Свою.О Мати Сына Божия! Умилосердися на матери сынов человеческих и на немощныя люди Твоя: постигающия нас болезни скоро исцели, належащия на нас скорби и печали утоли и не презри слез и воздыханий рабов Твоих. Услыши нас в день скорби, пред иконою Твоею припадающих, и в день радости и избавления приими благодарная хваления сердец наших. Вознеси мольбы наша ко Престолу Сына Твоего и Бога нашего, да милостив будет ко грехом и немощем нашим и пробавит милость Свою ведущим имя Его, яко да и мы, и чада наша, прославим Тя, Милосердную Заступницу и верную Надежду рода нашего, во веки веков. Аминь.http://www.reiki-iniciacii....