Ֆիլմը ծանոթացնում է 1830 թ. Էրզրումից Վրաստանի Ախալցիխե քաղաքի Նորշեն (Ծղալթբիլա) գյուղում բնակություն հաստատած հարյուրավոր հայերի պատմությանը: Այստեղ ներկայացված են ճակատագրական նշանակություն ունեցող տարբեր իրադարձություններ։ Մանրամասն նկարագրվում են թուրքերից սպառնացող վտանգներին դիմակայելու գործողությունները, ինչպես նաև խորհրդային և հետխորհրդային ժամանակաշրջանում կայացման և զարգացման ընթացքը: Միաժամանակ նկարագրվում են բնակչության հոգևոր, կրթական ու մշակութային արժեքների պահպանմանն ու զարգացմանն ուղղված ջանքերը։ Ֆիլմում տեղ են գտել բազմաթիվ հուշակոթողներով, խաչքարներով ու մատուռներով հագեցած դրախտային գեղեցկությամբ օժտված բնության տեսարաններ, հոգևոր և ազգային արժեքներ կրող ծիսակատարումներ ու տոնախմբություններ, ինչպես նաև կարոտի ու հիացմունքի տարրեր պարունակող բանաստեղծություններ: