Величит душа Моя Господа,и возрадовася дух Мой о Бозе Спасе моём. (Лк 1. 46- 47) Припев: Честнейшую Херувим и славнейшую без сравнения Серафим, без истления Бога Слова рождшую, сущую Богородицу, Тя величаем.Яко призре на смирение рабы Своея,се бо от ныне ублажат Мя вси роди. (Лк 1. 48) Припев: Честнейшую Херувим и славнейшую без сравнения Серафим, без истления Бога Слова рождшую, сущую Богородицу, Тя величаем.Яко сотвори Мне величие Сильный, и свято имя Его, и милость Его в роды родов боящимся Его. (Лк 1. 49-50) Припев: Честнейшую Херувим и славнейшую без сравнения Серафим, без истления Бога Слова рождшую, сущую Богородицу, Тя величаем.Сотвори державу мышцею своею, Расточи гордыя мысли в сердцах их. (Лк1.51) Припев: Честнейшую Херувим и славнейшую без сравнения Серафим, без истления Бога Слова рождшую, сущую Богородицу, Тя величаем.Низложи сильныя со престол и вознесе смиренныя; алчущия исполни благ и богатящияся отпусти тщи. (Лк 1. 52-53) Припев: Честнейшую Херувим и славнейшую без сравнения Серафим, без истления Бога Слова рождшую, сущую Богородицу, Тя величаем.Восприят Израиля отрока Своего, помянути милости, якоже глагола ко отцем нашим,Аврааму и семени его, даже до века. (Лк 1. 54-55) Припев: Честнейшую Херувим и славнейшую без сравнения Серафим, без истления Бога Слова рождшую, сущую Богородицу, Тя величаем.