Тукай елый...
Cинең янга килдек әле, Тукай,
Туган көнең белән котларга.
...Оялабыз башны күтәреп,
Таш сыныңа хәтта карарга...
Кояш та юк буген. Болыт баскан..
Көне буе яңгыр сибәли...
Яңгыр түгел, Тукай елый икән
Татар мәсхәренә түзәлми...
Телен якламаган халкына
Үпкәләгән, әрни Тукаем.
Мөлдер-мөлдер яшен түгә әнә...
Юкса...
Туган көне бүген бит аның...
Тукай , Тукай...елатабыз сине...
Горурлыгын җуйды милләтем.
"Ачы хәсрәт көен" көйли-көйли,
Кемдер түгә бүген күз яшен...
Тукай елый бүген, милләтем!
(Лилия З. 26.04.18)

“Телебезне бетерәләр”,-диеп,
Шигырь арты шигырь языла…
Сүзен әйтер вакыт килеп җиткәч,
Курка татар,курка,тартына...
“Телебезне бетерәләр бугай”...
Халкым иртән тетрәп уяна...
Янәшәдә
Нигә кирәк, диеп,туган телем,
Татар яный туган халкына...
Бу хурлыкка ничек түзәр йөрәк???
Китәр төсле беркөн ярылып...
Үз илемдә телгә ,милләткә
Һөҗүм барган чакта ябырылып.
Кайда соң сез газиз халкымың
Курку белмәс батыр уллары?
“Телебезне бетертмибез!”диеп,
Күтәрикче башны югары!
Татар дигән горур исемебезне
Саклап калыйк әле ,татарым!

Рәнҗемәскә әмер бирәм күңелемә,
Гаделсезлек тоеп, сыкрап әрнегәндә.
Сабырлыклар сорыйм Ходаемнан
Кан саркыган мәлдә йөрәгемнән.
Беләм.
Күңелләрнең караларын Ходай күрә,
Үз вакытын белеп кенә җәза бирә.
Елаучының күз яшьләре беркөн кибәр...
Елатучы ниләр белән генә түләр?
Рәнҗемәскә әмер бирәм күңелемә...
Лилия З.

Мин яраткан кышлар килде тагын,
Ап-ак карлар белән бизәлеп.
Син калдырган йөрәк яралары
Кышларымда китәр төзәлеп.
Шулкадәрле матур бит ул кышлар,
Күрә белеп күрсәң, аңласаң...
Буран булып бии ала хисләр,
Эри ала кардай, яратсаң.
Агачларга ак бәс сарган әнә,
Гүзәллектән күзләр чагыла!
Өзелепләр яратканга микән,
Кышларымда сине сагынам...
Мин яраткан кышлар килде тагын...
Лилия З.

Гади генә бер төнем
Тылсымлыга әйләнде.
Синең күздән көлгән кояш
Хисләремә бәйләнде.

Сихри якты, җылы нурлар
Иркәли күңелемне.
Йөрәгемә кояш керде,
Шушы бәхет түгелме?

Шундый җылы,шундый рәхәт,
Җаным нурда коена...
Төшләремдә күреп сине,
Һәр көн шулай уянам...
Лилия З.

Тигез түгел лә шул дөньялары...
Кемдер яши төренеп бәхеткә.
Кемдер... моңсу гына елмая да,
Сөенеп яши килгән һәр көнгә.
Берәү, шатлык табып хезмәтеннән,
Иртән иртүк эшкә ашыга...
Янәшәдә миллионнарын санап,
Берәү йөри кеше башыннан...
Гаделсезлек күреп әрнегәндә,
Сабырлыклар сорыйк ходайдан.
Караларын гына күрсәк күңелләрнең,
Ни кызыгы калыр дөньяның?
Лилия З.

Нәрсә булган икән бу кышка?
Яз кызына көчен күрсәтә.
Язга нәрсә, серле елмая да,
Кышның шаяруын күзәтә.
Шундый матур итеп тырыша кыш:
Ак карларга күмә җир өстен.
Гүя...
Тыйнак яз кызына гашыйк булып,
Ак чәчәккә төрә иркәсен.
Сокланыплар карап туялмассың!
Яз кызына ак төс килешә!
Кышның язга булган сөюенә
Җил булып җил әнә көнләшә!
Шундый матур булып ява карлар...
Ак чәчкәләр күктән сибелә.
Шушы матурлыкка хәйран калып,
Бар табигать әнә сөенә...
Табигатьтә бүген могҗиза:
Кыш китәлми,аклык тарата...
Яз кызына булган саф сөюен
Гүя шулай итеп аңлата...
Лилия З.

Чүп үләне баскан күңелләрне...
Риза булып шуңа яшибез.
Вакытында нигә арынмыйбыз?
Вакытында нигә дәшмибез?
Үсә үлән,үсә котырынып...
Зур тәрбия аңа кирәкми...
Затлы гөлгә кирәк булган җылы,
Наз,игътибар инде эләкми...
Гөлләр корый,сула,кибә,үлә...
Чүп-чар күмә инде күңелне.
Ә бит...
Кешелекне гүзәллек һәм
Матур эшләр бизи түгелме?
Битарафлык чоры...
Каршылыйлар карап киемгә.
Кемгә кирәк???Гүзәл гөлме,
Тигәнәкме синең күңелдә...
Эх...
Орлыкларын алып сибәсе...
Матур гөлләр килә күрәсе...

Көз ахыры ...Караңгы төн
Кайгы алып килде бу өйгә.
Күңеленә сыялмаган әрнү
Яңгыр булып үкси тәрәздә...
...Вакыт узды...Яра төзәлмәде...
Әллә..
Ул үзен дә инде югаллты???
Артыннан бит көн дә кызганулы
“Сәер... ” дигән сүзләр озатты...
Сәер...Исәрләнгән, имеш...
Нишләргә соң аңа, нишләргә?
Кызы карый әнә, гаҗәпләнеп,
Буп-буш калган нурсыз күзләргә...
Караңгы төн...Яшь кыз бала елый
Ап-ак мендәренә капланып...
Ай чыгалмый тора болытлардан
Гаҗизлектән әрнеп, тын калып...
Кызы елый...
Ана кайгысыннан исәрләнгән
Газиз әнекәен кызганып...