*********************************
Ышанычым акламадың,
Салып кына таптадың.
Вакыт узгач онытыр дип,
Кабат килеп акландың.
Мин дә горур була алам,
Кабаттан вакланмадым.
Синең аклануларыңа -
Мин бер дә шатланмадым.
Ышанычны бер югалткач,
Авыр кайтарулары ...
Яраланган йөрәккә бит,
Юк аның дарулары .
Ышанычым акламадың,
Югалттың шул мәңгегә .
Гафу үтенеп , акланып ,
Килмә инде бирегә .
*** САНИЯ Г.***

*****
Танышып та өлгермәдек,
Син өлгердең ташларга .
Күз кыскалап, матур сайрап,
Хисләр ата башларга.
Гүзәлем - дип,чибәрем дип
Бәйләнәсең кызларга .
Ялгышасың, сусаган дип
Синең генә назларга.
Сынап кына карыйлар бит ,
Юләр түгел бар кызкай !
Мохтаҗмыни мактауларга,
Балкыганда йолдыздай.
Чибәр белән дөнья тулган,
Акыллысын сайлый бел.
Сүзләрнең дә кирәклесен
Сөйли белсен синең тел !
*** САНИЯ Г.***

*************
Серләремне сөйлим бары,
Таңда искән җилләргә .
Ышанычлы,кызартмыйлар,
Чәчмиләр чит җирләргә,
Сөйләмиләр кемгә дә...
Серләрем сыя сандыкка
Бикләп куям кайчакны .
Бик сөйлисем килгәндә дә,
Телне тыям,тешләп куям,
Түзә алам шулчаклы!
Серләрем белән серләшәм
Икәүдән - икәү калып .
Тулган ай белән йолдызлар,
Кушыла шаһит булып ,
Сокланып ,тик тын калып ...
САНИЯ Г., 14.07.2015 ел.

***ОНЫТЫРГА МӨМКИН ТҮГЕЛ
СИН БИТ ЙӨРӘК ТҮРЕНДӘ.
КҮП ЕЛЛАР ҮТЕП КИТСӘ ДӘ,
БИК САГЫНАМ БҮГЕН ДӘ .
МАТУР УЙЛАР УЙЛАВЫ ДА
РӘХӘТ БИРӘ КҮҢЕЛГӘ .
КАРА БОЛЫТ КАПЛАСА ДА
ЯКТЫРГАНДАЙ КҮГЕМ ДӘ .
АЯЗ КӨНЕН ӘЙТМИМ ИНДЕ
ҖЫР ТУТЫРА КҮҢЕЛГӘ .
ҖЫРЛАВЫ ДА КҮҢЕЛЛЕ ШУЛ
ЭЛЕККЕ МОҢЛЫ КӨЙГӘ ,
ЯМЬ ТУТЫРЫП БАР ӨЙГӘ.
ОНЫТЫРГА МӨМКИН ТҮГЕЛ
ОНЫТТЫРМА ДА БЕРҮК .
ОНЫТАЛМЫЙСЫҢ ҮЗЕҢ ДӘ
ЙӨРӘГЕҢДӘ ЯШИМ КҮК.***
( САНИЯ Г.)

***РӘХМӘТ ӨЙРӘТҮЧЕМӘ***
****************************************
Өйрәттең син яратырга ,
Сөяргә , сөелергә...
Кыенлыкларны җиңәргә ,
Хәтта , үргә менәргә .
Өйрәттең син күп нәрсәгә,
Санап бетәрлек түгел .
Рәхмәтлемен сиңа мәңге ,
Сөенәм шуңа бүген .
Өйрәнүем - үзем өчен,
Әлбәттә, моны беләм .
Аралар тик өзелмәсен,
Күрешик синең белән .
Өйрәттең син бик күпләрне,
Ачтың тормыш серләрен .
Кеше иттең , юл күрсәттең,
Укыттың кайберләрен...
Өйрәтүчем , синең өчен
Ниләр эшли алам соң?..
Бәхет теләп калам сиңа,
Чын күңелдән - бары шул!
************************************
САНИЯ Г. 08.06.2015 ел.

***ҮТКӘННӘРГӘ ЮЛ БИКЛЕ***
******************************************
Үткәннәрне оныттым мин,
Үткәннәргә юл да юк .
Үткәннәрнең ишеген дә
Ачар өчен сәбәп юк.
Үткән белән ник яшәргә ,
Үткән калсын үткәндә .
Бар да узды,үзгәрде шул,
Үткәнгә юк үпкәм дә .
Матур киләчәк барына
Ышандырды үткәнем .
Киләчәкнең йомгагын да,
Инде бераз сүткәнмен .
Үткән белән киләчәкнең
Бар аерма арасы ...
Шул аерма арасыннан
Барасы да барасы !
***********************************
Сания Г . 07.06.2015 ел.

***КОРАМ ӘЛЕ ПЛАННАР***
Татлы төшләр юрадың син,
" Йокламадым" уйланып.
Күзем ачсам - 11 җиткән,
Киттем кинәт уянып ...
Чәйләп алдым , буянып,
Утырдым да таянып ,
Кордым әле планнар,
Әй , татлы да хыяллар.
Барасым килә мисырга,
Берәр айлап торырга.
Ошый инде миңа анда,
Әллә сәпчим калырга?
Җылы ярата башладым,
Туйдырды бу суыклар.
Язы - язга ошамаган,
Ява карлы яңгырлар.
Ничек булыр микән җәе,
Киләсе алтын көзе?
Мул уңышлар бирер микән,
Сөендерерме безне?...
***********************************
САНИЯ Г. 26.04.2015 ел.