"Сенім" деген сезімнен арылма, дос!
Шықпайды, деп сенімнен тарылма, дос.
Артқан Сенім білгенге Ардың жүгі,
сенім артса секіріп, қағынба, дос.
"Болмайды" "болады"ны түйген жанның,
бақыт құсы сайрайды бағында, дос.
"Ақылман" деп жүргенің "Ардан безген",
Таңғалма болып шықса Бардан безген,
жалған ба, әлде шын ба – айырма жоқ,
көрсе егер таразылап талғам-безбен.
Сонда кімге жүктейміз Ардың ісін,
Аспаса пенделіктен барлық мүсін?
Белгілі бір-ақ нәрсе – кім болсаң да:
Өзіңнің - Бірдің ғана Жалғызысың.
/ААА/