«Өнер: барлығы үшін» АLMATY ARENA аумағында Қазақстан Суретшілер одағының бастамасымен Аlmaty Art Center өнер орталығы ғимаратында - қазақстандық мүсіншілеріміздің «Қазақстан мүсін өнері» атты көрмесі өз көрермендерін қабылдауда. Мұндай ауқымды көрме елімізде тәуелсіздік алғалы тұңғыш рет өткізіліп отыр. 20 желтоқсанда көрмеде «Өнер барлығы үшін!» жобасы басталады. Жоба көзі көрмейтін және көзі жақсы көретін адамдардың қатысуымен және ниет білдірген қалаушыларымызға көрме алаңында зағип азаматтарымызға арнайы орнатылған тактильдік жолдардағы ақ арқандармен жүріп өтуге мүмкіндік беріледі. «Қазақстан мүсін өнері» көрмесінде мүмкіндігі шектеулі зағиптерімізге туындылардың эстетикалық және көркемдік идеясын біліп,түсініп, олардың пішінімен құрылымын, материалын, фактурасын, мүсіннің көркем бейнесін сезініп, білуге мүмкіндік беріледі. Суретшілер Одағының өнертанушыларымен мүсіншілеріміз туындыларының эстетикалық-көркем тілін түсінуге және мүсінді жасау өнерін сезініп көруге көмектеседі. Жоба алғашқы кезеңде жанарынан айрылған 2000-нан астам адамы бар Алматы қаласынан бастау алып суретшілер одағының филиалдары бар Қазақстанның барлық ірі қалаларында жалғасын табады. Біздің елімізде шамамен 30 мыңнан астам көзі көрмейтін және көзі нашар көретін азаматтарымыз тұрады. Бірақ біз мүгедектердің бір тобымен шектелмей мұндай жобаларды есту қабілеті нашар, қозғалу мүмкіндігі шектеулі азаматтарымызға және т.б. әртүрлі топтар үшін арнайы әзірлейтін боламыз. Суретшілер Одағы «Өнер барлығы үшін» жобасында азаматтық ұстанымымен өнерді дәріптеу үшін қоғамның барлық санаттағы азаматтарын мәдениетке тарту арқалы өзінің миссиясын орындайды. Біз еліміздің рухани және жалпы гуманитарлық дамуы үшін қоғамға осындай әлеуметтік жобалар қажет деп есептейміз. Мәдениетімізбен рухымыздың биіктігі үшін Almaty Art Center орталығындағы барлық көрмелеріміз қонақтарымызға тегін деп жариялаймыз. ҚР КХ хатшылығы